2015 jylǵy 5 maýsym, Astana, Úkimet Úıi
«Oblystyq bıýdjetterdiń, Astana jáne Almaty qalalary bıýdjetteriniń 2015 jylǵa arnalǵan respýblıkalyq bıýdjetten densaýlyq saqtaýǵa beriletin aǵymdaǵy nysanaly transfertterdi paıdalaný qaǵıdalaryn bekitý týraly» Qazaqstan Respýblıkasy Úkimetiniń 2015 jylǵy 11 naýryzdaǵy № 123 qaýlysyna ózgerister engizý týraly
Qazaqstan Respýblıkasynyń Úkimeti qaýly etedi:
1. «Oblystyq bıýdjetterdiń, Astana jáne Almaty qalalary bıýdjetteriniń 2015 jylǵa arnalǵan respýblıkalyq bıýdjetten densaýlyq saqtaýǵa beriletin aǵymdaǵy nysanaly transfertterdi paıdalaný qaǵıdalaryn bekitý týraly» Qazaqstan Respýblıkasy Úkimetiniń 2015 jylǵy 11 naýryzdaǵy № 123 qaýlysyna mynadaı ózgerister engizilsin:
kórsetilgen qaýlymen bekitilgen Oblystyq bıýdjetterdiń, Astana jáne Almaty qalalary bıýdjetteriniń 2015 jylǵa arnalǵan respýblıkalyq bıýdjetten densaýlyq saqtaýǵa beriletin aǵymdaǵy nysanaly transfertterdi paıdalaný qaǵıdalarynda:
3-tarmaqtyń 3) tarmaqshasy alyp tastalsyn;
5-tarmaqtyń 1) tarmaqshasy mynadaı redaksııada jazylsyn:
«1) skrınıngtik zertteýler júrgizýge:
áıelder arasynda jatyr moıny obyryn anyqtaýǵa;
eresek turǵyndar arasynda kolorektaldyq obyrdy eki kezeńdik ádispen anyqtaýǵa;
Aqtóbe, Atyraý, Shyǵys Qazaqstan, Batys Qazaqstan, Qaraǵandy, Qostanaı, Qyzylorda, Pavlodar, Soltústik Qazaqstan oblystarynyń, Astana jáne Almaty qalalarynyń er adamdary arasynda qýyqasty bezi obyryn anyqtaýǵa;
Aqtóbe, Atyraý, Shyǵys Qazaqstan, Batys Qazaqstan, Qaraǵandy, Qostanaı, Qyzylorda, Pavlodar, Soltústik Qazaqstan oblystarynyń, Astana jáne Almaty qalalarynyń turǵyndary arasynda óńesh obyryn, asqazan jáne baýyr obyryn anyqtaýǵa;
sút bezi obyry boıynsha skrınıngtiń ekinshi kezeńin júrgizýge;»;
6-tarmaq mynadaı redaksııada jazylsyn:
«6. Osy Qaǵıdalardyń 5-tarmaǵynyń 4) tarmaqshasynda kórsetilgen ambýlatorııalyq emhanalyq uıymdarda onkologııalyq, mammologııalyq kabınetter, konsýltasııalyq-dıagnostıkalyq emhanalarda (ortalyqtarda), kópbeıindi aýrýhanalardyń bólimshelerinde proktologııalyq kabınet ashýǵa jáne olardyń jumys isteýine arnalǵan shyǵystardy qospaǵanda, oblystardyń, Astana jáne Almaty qalalarynyń densaýlyq saqtaýdy memlekettik basqarýdyń jergilikti organdary ýákiletti organ bekitetin TMKKK kórsetý jónindegi qyzmetter berýshini tańdaý jáne onyń shyǵyndaryn óteý qaǵıdalaryna sáıkes TMKKK kórsetý boıynsha medısınalyq qyzmetter berýshini tańdaý rásimin júzege asyrady.»;
4-taraý alyp tastalsyn.
2. Osy qaýly 2015 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri K. MÁSIMOV.